იურისტი სოფიო ხორგუანი ბოლო დროინდელ მოვლენებს ეხმაურება და სოციალური ქსელის პირად გვერდზე გახარიას უწყებას აფასებს. "ჰოდა, გინდა აქედან შეხედე და გინდა იქედან, თარგამაძიდან დღემდე ყველა შს მინისტრი მახსოვს და გახარია ერთადერთია, ვინც კორუფციასა და ნეპოტიზმში ვერ ჩართეს და ამას მონელება ხომ უნდა. აბა, თქვენ იცით ახლა, ამ მიმართულებით დახატეთ სიუჟეტები ლონდონის გავლით" - წერს ხორგუანი. ის ამბობს, რომ თითქმის ყველა უწყებაზე აქვს ინფორმაცია არსებული ნეპოტიზმისა და კორუფციის შესახებ, გარდა შს სამინისტროსი, სადაც ჭორადაც კი ვერ გაავრცელეს ვერაფერი. "როცა განათლება განათლებას არ ჰგავს და ჯანდაცვა ჯანდაცვას და ყველა სხვა სახელმწიფო სერვისში კორუფცია და ნეპოტიზმი გაქვს და უნიათობა, მერე ეძებ განტევების ვაცს. სისტემის რეალური რეფორმა და დასავლურ სტანდარტებზე გადაწყობა და კლანების გავლენისგან თავისუფლება, ამას ვინ აპატიებდა გახარიას. 10 კაცის მართვა რომ არ შეუძლიათ, ისინი?" - ამბობს სოფიო ხორგუანი.