პროკურატურაში დამიბარეს დაკითხვაზე“, - ამის შესახებ „რუსთავი 2“-ის ყოფილი გენერალური დირექტორი ნიკა გვარამია Facebook-ზე წერს.
„ნინო ნიჟარაძის მიერ ჩემ წინააღმდეგ შეტანილ ბუნებაში არარსებულ ფაქტებზე საქმე აღუძრავთ და ამ ეტაპზე მოწმის სახით მიბარებენ. სამი მუხლითაა საქმე აღძრული: 182-ე მუხლის მე-2 ნაწილის დ და მე-3 ნაწილის გ (დიდი ოდენობით მითვისება ან გაფლანგვა სამსახურებრივი მდგომარეობის გამოყენებით), 205-ე მუხლის მე-3 ნაწილის ა და ბ (დიდი ოდენობით ქონების გადამალვა მოჩვენებითი ან/და თვალთმაქცური გარიგებით სამსახურებრივი მდგომარეობის გამოყენებით), 220-ე მუხლი (უფლებამოსილების ბოროტად გამოყენება).
როგორც დიქტატურის პირობებში მოსალოდნელიც იყო, არათუ რ2ში არ შეიძლებოდა ჩემი დარჩენა და თავისუფალი და კრიტიკული სიტყვის სადარაჯოზე დგომა, იქედან წამოსვლა და რ2ის წასულში დატოვება, მაგრამ ახალი კრიტიკული ტელევიზიის გაკეთებაც არ შეიძლება. და საერთოდ, ჩემი არსებობა ამ ქვეყანაში უკვე, ზოგადად, არ შეიძლება, როგორც ჩანს :)
მეგობრებო, განსაკუთრებით დასავლელების საყურადღებოდ, საერთოდ რამის გაკეთება რომ შეუძლებელია უკვე ამ ქვეყანაში, რა შეფასება უნდა მიეცეს ამას? და დიქტატურა სხვა რაღაა, თუ არადა ეს?
მე, როგორც მედასავლეთე ქართველ პატრიოტს, ჩემი არჩევანი დიდი ხანია გაკეთებული მაქვს. მამაჩემი ებრძოდა საბჭოთა კავშირს და თავისი თვალით იხილა მისი მართალი და ისტორიული ბრძოლის ისტორიული შედეგი - საქართველოს გათავისუფლება კომუნიზმისგან და საბჭოთა ოკუპაციისგან და საქართველოს დამოუკიდებლობის დეკლარაცია. მეც, 30 წლის მერე, პრაქტიკულად იგივე ბრძოლაში ვარ - ასევე მართალში და ისტორიულში, და ასევე საბჭოთა რუსეთის ოკუპაციის წინააღმდეგ. და ვპირდები ჩემ შვილებს - მეც ვნახავ ჩემი ისტორიული ბრძოლის ისტორიულ შედეგს, და ისინი იცხოვრებენ ბოლომდე დესოვიეტიზებულ თავისუფალ საქართველოში, სადაც თავისუფალი სიტყვის მსახურებისთვის არავინ დაიბარებს პროკურატურაში
კარგად დააკვირდეს სტრასბურგის სასამართლო European Court of Human Rights, საკუთარი დაუსაბუთებელი, უსამართლო და კონვენციის და სამართლის ფუნდამენტური პრინციპების და საბაზისო ჭეშმარიტებების დარღვევით, ყველაზე უარესად კი, კონტექსტის გაუთვალისწინებლად უგუნურად მიღებული გადაწყვეტილების შედეგად, როგორ ამოუშვა დიქტატურის ჯინი ბოთლიდან ქვეყანაში, სახელად საქართველო.
კარგად დააკვირდეს და დაიმახსოვროს: ქართველი პატრიოტები მის ამ უკვე ბოროტმოქმედების რანგში ასულ ისტორიულ სირცხვილს არ და ვერ დავივიწყებთ. ვერ დავივიწყებთ, დასავლეთმა როგორ მოკლა დასავლეთი. ვერ დავივიწყებთ, მაგრამ მაინც ვიბრძოლებთ დასავლეთისთვის და მისთვისვე, ადამიანის უფლებათა ევროპული სასამართლოსთვის, როგორც დასავლური ინსტიტუციისთვის.“, - წერს გვარამია.
რამდენიმე წუთის წინ პროკურატურამ გაავრცელა განცხადება, რომ ნიკა გვარამია გამოკითხვაზე დაიბარეს. გავრცელებული ინფორმაციით, მას დიდი ოდენობით თანხების მითვისება-გაფლანგვას ედავებიან.
