ეროვნულმა ბანკმა ლარის ახალი კურსი დაადგინა, რომლის მიხედვითაც ეროვნული ვალუტა დოლართან მიმართებაში ისევ გაუფასურდა. ხვალისთვის 26 მაისისთვის დადგენილი კურსის თანახმად 1 დოლარი 2.2905 ლარი ეღირება, გუშინ მოქმედი კურსით კი 2.2790 ღირდა.კურსის ცვლილებამ 0.0115ლარი შეადგინა. საქართველოს ეროვნული ბანკის მიერ დადგენილი კურსის თანახმად, ეროვნული ვალუტა ევროსთან მიმართებაში გამყარდა. კერძოდ, ხვალიდან ერთი ევროს შეძენა 2.4907 ლარად იქნება შესაძლებელი, მაშინ როცა დღეს მოქმედი კურსი 2.5005 ლარს შეადგენდა. კურსის ცვლილებამ 0.0098 ლარი შეადგინა.