საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა, რომლის მიხედვით, ეროვნული ვალუტის კურსი დოლართან მიმართებაში მცირედით გაუფასურდა. ხვალ, 29 ივლისს ერთი დოლარის ღირებულება 2.2646 ლარი იქნება. ეროვნული ბანკის მიერ დადგენილი კურსით, რომელიც დღეს მოქმედებდა, 1 აშშ დოლარის გაცვლითი კურსი 2.2564 ლარს შეადგენდა. ეროვნული ვალუტა ევროსთან მიმართებაშიც გაუფასურდა. კერძოდ, ხვალიდან ერთი ევროს შეძენა 2.4981 ლარად იქნება შესაძლებელი, მაშინ როცა დღეს მოქმედი კურსი 2.4967 ლარს შეადგენდა.