„რუსთავი 2“-ის გენერალური დირექტორი ნიკა გვარამია ხელისუფლებას ტელეკომპანიაზე ზეწოლაში ადანაშაულებს. როგორც საგანგებო ბრიფინგზე გვარამიამ განაცხადა, საქალაქო სასამართლოს დღევანდელი გადაწყვეტილებით ხელისუფლებამ „რუსთავი 2“-ს ყველა ბერკეტი ჩაუკეტა იმისთვის, რომ მან ნორმალური ფუნქციონირება განაგრძოს.

"გასაოცარი დემოკრატიის მეოთხე წელი, რომელიც ბიძინა ივანიშვილის დაპირებით უნდა ყოფილიყო საუკეთესო, ხელისუფლებამ დაიწყო სამარცხვინო ნაბიჯით - მან თავისი გადაწყვეტილებით "რუსთავი 2" დახურა.
არ მოგატყუოთ იმან, რასაც ახლა ხედავთ ტელეეთერებში. ის, რომ ჩვენ მაუწყებლობას ვაგრძელებთ, არ ნიშნავს იმას, რომ ხელისუფლება ყველაფერს არ აკეთებს იმისათვის, რომ ჩვენ ეს მაუწყებლობა შევწყვიტოთ. დღეს, როგორც არასდროს ჩვენ ახლოს ვართ ამ მაუწყებლობის შეწყვეტასთან. ფინანსური არხები გადაკეტილი გვაქვს, რომელსაც ვიყენებდით ალტერნატივის შემთხვევაში. ტელევიზია არის კონსიგნაციური ბიზნესი. ის როდესაც სარეკლამო დროს ყიდის რამდენიმე თვის შემდეგ აქვს შემოსავალი. ამ დროის განმავლობაში ჩვენთვის მნიშვნელოვანია საბანკო მომსახურება. ბუნებრივია, ყველა ვითარებაში ჩვენ ვიყენებდით ბანკს, როგორც დამხმარე ფინანსურ ინსტუტუციას, რის დახმარებითაც ტექნიკას ვყდილობდით, ასევე ვფარავდით ხელფასებს. იცით, რომ ხელისუფლებამ და მის მიერ წაქეზებულა ქიბარ ხალვაშმა ყველაფერი გააკეთეს, რომ ეს გზა ჩაეკეტათ ჩვენთვის და ამოგვაგდეს ჯანსაღი კონკურენციიდან. თუ ვინმეს ეჭვი ეპარებოდა, რომ ეს არის ხელისუფლების თამაში, დღეს ხელისუფლებამ ყველა ეს ეჭვი გაფანტა“ - განაცხადა გვარამიამ.