გორში ენმ-ს ოფისის კარი ფიცრებით აჭედეს, ამის შესახებ "დიას" კორესპონდენტი ადგილიდან იტყობინება. როგორც მას ენმ-ს კასპის ორგანიზაციის წარმომადგენელმა რობერტ კავთიაშვილმა განუცხადა კარი "თავისუფალი თაობის" წევრებმა აჭედეს. ოფისის ფასადზე დატოვილია პლაკატები წარწერით ლიკვიდირებულია. ინციდენტის დროს, ოფისში არავინ არ იმყოფებოდა, მომხდარის შესახებ პარტიის წევრებმა ცოტა ხნის წინ შეიტყვეს და ისინი ამ წუთებში ოფისთან იკრიბებიან. "აი ასეთი მეთოდებით გვებრძვის "ქართული ოცნება" და ბიძინა ივანიშვილი. კონკრეტული პიროვნებების სახელები და გვარები არ ვიცი, ვინც  ეს ჩაიდინა, მაგრამ დარწმუნებული ვარ, ესენი  იყვნენ ივანიშვილის გამოგზავნილი დამქაშები რომლებიც აი ასეთი მეთოდებით გადავიდნენ ბრძოლაზე"-აცხადებს კავთიაშვილი.