ირაკლი ღარიბაშვილმა ცოტა ხნის წინ პრემიერის პოსტი დატოვა, ამის შესახებ ღარიბაშვილმა საგანგებოდ გამართულ ბრიფინგზე განაცხადა.  ღარიბაშვილმა მისი პრემიერ-მინისტრობის პერიოდში საქართველოს მთავრობის მიღწეულ წარმატებებზე ისაუბრა.  "დღემდე თითოეული ჩემი ნაბიჯი გამომდინარეობდა იმ პასუხისმგებლობიდან, რასაც არჩევანი მაკისრებდა, როდესაც ვიღებდი გადაწყვეტილებას, იქნებოდა ეს ოჯახის შექმნის, კარიერის არჩევის თუ პოლიტიკაში წასვლის შესახებ, მაშინ, როდესაც ბიძინა ივანიშვილის ლიდერობით გავერთიანდით ჩვენი ქვეყნის გადასარჩენად, ჩვენი ბრძოლა 2012 წელს ჩვენი ხალხის გამარჯვებით დაგვირგვინდა. მე ნამდვილად მეამაყება, რომ წილად მხვდა პატივი, ამეღო უდიდესი პასუხიმგებლობა ჩვენი ქვეყნისა და ერის წინაშე, ჩვენს გუნდთან გამეგრძელებინა ქვეყნის საკეთილდღეოდ დაწყებული საქმე. მე დღეს ვტოვებ თანამდებობას, მაგრამ ვრჩები ჩვენი სამშობლოს  ერთგულ ჯარისკაცად "-განაცხადა ღარიბაშვილმა.