გორის ბაზრის ლომჭაბუკის ტერიტორიაზე მოწყობასთან დაკავშირებით საკრებულოს
წევრები პირველ აპრილს ჩანიშნულ სხდომაზე იმსჯელებენ. ინიციატივა გორის საკრებულოს თავმჯდომარის მრჩეველს
ირაკლი ორუაშვილს ეკუთვნის, მან აღნიშნული ინივიატივა თავდაპირველად ტ/კ "დია"-ს გადაცემა "კვირის
რეალობაში" გააჟღერა.
"გორის ბაზრის საკითხი, ბოლო წლების განმავლობაში, იქცა ერთგვარ აქილევსის ქუსლად,ქალაქის ხელმძღვანელობის ბოლო დროს მიღებული გადაწყვეტილებები და კერძო ინვენსტორის არასერიოზული მიდგომები ხელს უწყობს მოსახლეობის დიდ ნაწილში ამ საკითხზე უკმაყოფილების ზრდას.ქალაქის საკრებულოს განკრგულების პროექტი,ალტერნატივის სახით ითვალისწინებს,ქალაქის ბაზრის(მუნიციპალურ საკუთრებაში არსებული) მოწყობას ლომჭაბუკის ძეგლის მიმდებარე ტერიტორიაზე,დროებით (ვიდრე ძველი ბაზრის ტერიტორიაზე არსებული ინვენსტორი არ დაასრულებს მშენებლობას) ყოველგავრი კაპიტალური მშენებლობის გარეშე. აღნიშნული ბაზრის მოწყობა ქალაქის მერიამ უნდა უზრუნველყოს 2016 წლის 1 მაისამდე მოსახლეობისათვის მისაღები ტარიფების გათვალისწინებით."-ვკითხულობთ
საკრებულოს დღის წესრიგში.
