გატაცების მორიგი შემთხვევა ამ ჯერად ქარელის მუნიციპალიტეტში, სოფელ დვანიდან შეიარაღებულმა რუსმა ოკუპანტებმა ორი ადგილობრივი გაიტაცეს. როგორც "დია"-ს გატაცებულის ახლობლებმა განუცხადეს, შემთხვევა სოფლის სასაფლაოზე 3 მაისს მოხდა. არსებული ინფორმაციით, გატაცებულები ცხინვალის მილიციის წინასწარი დაკავების იზოლატორში იმყოფებიან. დე ფაქტო ხელისუფლება მათ ე.წ. საზღვრის უკანონოდ გადაკვეთას ედავება. დვანში ამბობენ, რომ მამუკა კობახიძეს და გიორგი ხარაზიშვილს ჯარიმის გადახდის სანაცვლოდ გაათავისუფლებენ.