„ერთიანი ნაციონალური მოძრაობა“  2016 წლის საპარლამენტო არჩევნებში მაჟორიტარი დეპუტატობის კანდიდატების წარდგენას განაგრძობს. დღეს მათ საკუთარი კანდიდატი ქარელის მუნიციპალიტეტში წარადგინეს. ამომრჩვლის ნდობის მოსაპოვებლად აქ ილია ბურჯანაძე იბრძოლებს.  

ილია ბურჯანაძე 2012 წლამდე ქარელის მუნიციპალიტეტის გამგებლის თანამდებობას იკავებდა, 2012 წელს კი „ერთიანმა ნაციონალურმა მოძრაობამ“  საპარლამენტო არჩევნებში ქარელის მაჟორიტარი დეპუტატობის კანდიდატად დაასახელა, თუმცა ამომრჩეველმა არჩევანი „ქართული ოცნების“ კანდიდატზე, ლერი ხაბელოვზე  შეაჩერა.   

დღეს ილია ბურჯანაძის კანდიდატურა კიდევ ერთხელ დასახელდა და საზოგადოებას ის პალტიის ლიდერებმა - დავით ბაქრაძემ და ნიკა მელიამ წარუდგინეს.