საქართველო-ევროკავშირის ასოცირების შესახებ შეთანხმება სრულად ამოქმედდა. შეთანხმება ღრმა და ყოვლისმომცველი თავისუფალი ვაჭრობის კომპონენტს მოიცავს.  დღეს ამოქმედებულ მუხლებს შორისაა საგარეო და უსაფრთხოების პოლიტიკასთან დაკავშირებული პუნქტები. აღნიშნულთან დაკავშირებით გორის უნივერსიტეტში ნატოსა და ევროკავშირის შესახებ საინფორმაციო ცენტრის ორგანიზებით საინფორმაციო შეხვედრა-დისკუსია გაიმართა. ღონისძიების ფარგლებში ადგილობრივი ხელისუფლების წარმომადგენლებმა და მოწვეულმა სპიკერებმა განიხილეს საქართველოს ევროინტეგრაციის პროცესი და ასოცირების შესახებ შეთანხმების მნიშვნელობა, მისი იმპლემენტაციის პროცესი და შეთანხმების დადებითი მხარეები.