ქართული პარტიის მიერ ინიცირებული საკითხები გორის საკრებულოს სხდომაზე დღეს ისევ ჩავარდა. საკრებულოს წევრების უმრავლესობამ ირაკლი ოქრუაშვილის გუნდის მიერ ინიცირებულ 22 საკითხის დამტკიცებაზე უარი თქვა. ინიცირებულ საკითხებს შორის იყო  ქალაქში ბიოტუალეტების განთავსება, ბარაკის ტიპის საცხოვრებლების შემსწავლელი სამუშაო ჯგუფის შექმნა, ე.წ. ვოლოგდის დასახლებაში ინფრასტრუქტურული სამუშაოების განხორციელება და სადგურის დასახლებაში ბაგა-ბაღის გახსნა.