საქართველოს პარლამენტის თავმჯდომარე - დავით უსუფაშვილი ეუთოს საპარლამენტო ასამბლეის პოლიტიკურ საკითხთა კომიტეტის მიერ საქართველოს დელეგაციის მხრიდან ინიცირებული რეზოლუციის პროექტის მხარდაჭერის საკითხს გამოეხმაურა და განაცხადა, რომ ამ ტიპის რეზოლუციებით იქმნება ის რეალობა საერთაშორისო ასპარეზზე, რომელიც ჩვენს სასარგებლოდ უნდა გადაწყდეს. როგორც ჟურნალისტებს პარლამენტის თავმჯდომარემ განუცხადა, რეზოლუციაში ყველაფერს თავისი სახელი ჰქვია.
შეგახსენებთ, რომ ეუთოს საპარლამენტო ასამბლეის პოლიტიკურ საკითხთა კომიტეტმა ქართული დელეგაციის მიერ მომზადებულ რეზოლუციას „კონფლიქტი საქართველოში“ მხარი დაუჭირა. რეზოლუციის კანონპროექტს მხოლოდ რუსეთის დელეგაციის სამმა დეპუტატმა მისცა ხმა წინააღმდეგ. რეზოლუციის კანონპროექტს საბოლოოდ ხვალ ეუთოს საპარლამენტო ასამბლეის პლენარულ სესიაზე უყრიან კენჭს. საბოლოოდ დასამტკიცებლად ხვალინდელ პლენარულ სესიაზე გავა. საქართველოს პარლამენტის თავმჯდომარის, დავით უსუფაშვილის ავტორობით მომზადებული რეზოლუციის პროექტი, რომელსაც დღეს ეუთოს საპარლამენტო ასამბლეის პოლიტიკის საკითხთა კომიტეტის სხდომაზე განიხილეს, 17 პუნქტისგან შედგება.
| 
