რუსეთის პრეზიდენტმა ხელი მოაწერა კანონს „ეროვნული გვარდიის“ შესახებ, რომელიც პირადად მას დაექვემდებარება. ამის შესახებ რუსული მედია იუწყება. კანონის თანახმად, ეროვნული გვარდიის, როგორც სახელმწიფო სამხედრო ორგანიზაციის დანიშნულება სახელმწიფოებრივი და საზოგადოებრივი წესრიგის, კანონისა და ადამიანის თავისუფლების დაცვა იქნება.
რუსეთის პრეზიდენტს დაქვემდებარებული ახალი ფედერალური ორგანო დაკავდება ტერორიზმთან და ორგანიზებულ დანაშაულთან ბრძოლით, უზრუნველყოფს საგანგებო მდგომარეობის სამართლებრივ რეჟიმებსა და კონტრტერორისტულ ოპერაციებს, დაიცავს სახელმწიფო ობიექტებსა და სპეცტვირთებს, ასევე უსაფრთხოების ფედერალურ ბიუროსთან ერთად სახელმწიფო საზღვარს. 
აპრილში ვლადიმერ პუტინმა შინაგანი ჯარის ბაზაზე ეროვნული გვარდიის შექმნის შესახებ განაცხადა.