ამერიკის შეერთებული შტატების სახელმწიფო მდივნი უკვე საქართველოშია. ვიზიტის ფარგლებში ჯონ ქერი საქართველო-ამერიკის სტრატეგიული ქარტიის პლენარული სხდომს დაესწრება სადაც თავდაცვისა და უსაფრთხოების, ვაჭრობის, ეკონომიკისა და დემოკრატიული მმართველობის საკითხებზე ისაუბრებენ. ვიზიტის ფარგლებში გაიმართება სახელმწიფო მდივნის ორმხრივი შეხვედრები საქართველოს პრემიერმინისტრთან, პრეზიდენტთან და საგარეო საქმეთა მინისტრთან. ასევე, დაგეგმილია შეხვედრები პარლამენტის თავმჯდომარესა და ოპოზიციის წარმომადგენლებთან.