აღმოჩენა რომელმაც, შესაძლოა, საქართველოს ისტორია შეცვალოს-გორის მუნიციპალიტეტის სოფელ დიცში არქეოლოგების ჩასვლას ითხოვენ. საოკუპაციო ხაზთან მდებარე სოფელში გორის სახელმწიფო სასწავლო უნივერსიტეტის რექტორმა - გიორგი სოსიაშვილმა ღვთისმშობლის სახელობის ტაძარზე, სავარაუდოდ, მეცხრე საუკუნეში დატანილი წარწერები აღმოაჩინა. წარწერა ასომთავრულია. ადგილობრივების ინფორმაციით, ტაძარი მაშინდელმა ეპისკოპოსმა მიქაელმა ააშენა. უნიკალურ აღმოჩენას ადგილზე ეცნობიან ადგილობრივი ხელისუფლების წარმომადგენლები.