შინაგან საქმეთა სამინისტრო ვაჩიანში მომხდარ მკვლელობაში ბრალდებულის დაკავების კადრებს ავრცელებს. გამოძიების ინფომაციით, 24 წლის მამაკაცი კაჩოტიანების ოჯახს ძარცვის მიზნით დაესხა თავს. 37 წლის ქალი და ორი უფროსი შვილი ბლაგვი საგნის ჩარტყმითაა მოკლული, 5 წლის ბავშვი კი, სავარაუდოდ, კვამლით გაიგუდა. შემთხვევის ადგილის მიმდებარე ტერიტორიიდან ამოღებულია გარდაცვლილთა კუთვნილი მობილური ტელეფონები. დანიშნულია შესაბამისი ექსპერტიზები. დაკავებული ჩადენილ დანაშაულს აღიარებს. გამოძიება დამამძიმებელ გარემოებაში ჩადენილ განზრახ მკვლელობის ფაქტზე მიმდინარეობს