რეგიონული სასწრაფო სამედიცინო დახმარების ცენტრმა, ეროვნული სასწავლო ცენტრის ბაზაზე, მედპერსონალის გადამზადება დაიწყო. პირველ ეტაპზე  გადაუდებელ დახმარებაში გადამზადებას სამეგრელოსა და სამცხე-ჯავახეთის რეგიონის სასწრაფო დახმარების ექიმები გაივლიან. სასწავლო კურსი თეორიული და პრაქტიკული ნაწილისგან შედგება, ექიმები ტრავმული პაციენტის მართვისა და სტაბილიზაციის საკითხებში გადამზადდებიან. პრაქტიკულ მეცადინეობაში ექიმები ტრენერებთან ერთად ჩაერთვებიან. სამედიცინო სფეროში არსებული სიახლეების გაცნობისა და პროფესიული უნარების განვითარების მიზნით, სასწრაფო დახმარების მედპერსონალი ყოველწლიურად გადამზადდება.