100-მდე იძულებით გადაადგილებული პირი თავს მოტყუებულად გრძნობს და კუთვნილ ანაზღაურებას ითხოვს. ქარელის მუნიციპალიტეტში, ახალსოფლის დევნილთა ჩასახლებაში კოტეჯების სარეაბილიტაციო სამუშაოებში ჩართულ კომპანიებს მუშები თაღლითობაში ადანაშაულებენ. სამშენებლო კომპანიებს, რომლებსაც თიღვის მუნიციპალიტეტის  გამგეობის მიერ გამოცხადებულ ტენდერში გაიმარჯვეს, მათივე სახლების შესაკეთებლად 100-მდე დევნილისთვის შესაბამისი ანაზღაურება  უნდა გადაეხადათ, თუმცა იძულებით გადაადგილებული პირები ისე ამუშავეს, რომ მათთვის გასამრჯელო საერთოდ არ მიუციათ.