„ერთიანმა ნაციონალურმა მოძრაობამ” დიპლომატიურ კორპუსს საარჩევნო, სამოქმედო პროგრამა გააცნო. შეხვედრა დიპლომატებთან დღეს პარტიის ცენტრალურ ოფისში გაიმართა. როგორც შეხვედრის დასრულების შემდეგ ჟურნალსტებს ”ნაციონალური მოძრაობის” წევრმა, სალომე სამადაშვილმა განუცხადა, მათი პროგრამა ”ანტიკრიზისული გეგმაა იმის შესახებ, თუ როგორ აპირებენ ქვეყნის იმ ურთულესი ეკონომიკური და სოციალური კრიზისიდან გამოყვანას, რაშიც ის ”ქართული ოცნების” მმართველობის პირობებში აღმოჩნდა”.