ბათუმის მე-13 საერთაშორისო კონფერენციის - „საქართველოს ევროპული გზა-სტაბილურობა, განვითარება და მრავალფეროვნება“ ფარგლებში საქართველოს თავდაცვის მინისტრი მესამე თემატურ სესიას დაესწრო. თინათინ ხიდაშელი ერთ-ერთ მომხსენებლად წარდგა მოდელირებულ დისკუსიაზე - „თანამედროვე უსაფრთხოების არქიტექტურა: გამოწვევები და შესაძლებლობები“. თინათინ ხიდაშელთან ერთად სესიაზე მომხსენებლებად სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენელი, პოლონეთის რესპუბლიკის სენატორი, თავდაცვის ყოფილი მინისტრი, უნგრეთის დემოკრატიის სახალხო ფონდის ცენტრის პრეზიდენტი და თურქეთის რესპუბლიკის საგარეო საქმეთა ყოფილი მინისტრი წარსდგნენ.