გორში თავისუფალი კინოჩვენებები გრძელდება. კულტურისა და დასვენების  პარკში ლევან თუთბერიძის ფილმი "მოირა" შეკრებილ საზოგადოებას უჩვენეს. ფილმის ჩვენებას მსახიობები, "მოირას" რეჯისორი და საზოგადოების სხვა წარმომადგენლები დაესწრნენ. ფილმის დასრულების შემდეგ აუდიტორია  დისკუსიაში ჩაერთო და მსახიობებს მათთვის საინტერესო კითხვები დაუსვეს. თავისუფალი კინოჩვენებები მიზნად ისახავს იმას, რომ მაყურებელმა ზაფხულის ცხელ დღეებში დრო ნაყოფიერად და სასიამოვნოდ გაატაროს.