"სიყვარული გზად და ხიდად" - ამ სახელწოდებით სოფელ ნიქოზში საქველმოქმედო აქცია-კონცერტი მოეწყო. ღონისძიება ტყუპი დების – ია დავითაიასა და მზია ხეთაგურის 70 წლის იუბილეს მიეძღვნა. ნიქოზში, ასევე, მოსახლეობას უფასო სამედიცინო გამოკვლევები ჩაუტარდათ და შესაბამისი მედიკამენტები გადაეცათ. ომში დაღუპულ მრავალშვილიან ოჯახებსა და შშმ პირებს აქციის მონაწილეებმა საკვები პროდუქტები და პირველადი მოხმარების ნივთები სახლებში მიუტანეს. საქველმოქმედო საღამოს, ადგილობრივ ხელისუფლებასთან ერთად, გორის მაჟორიტარი დეპუტატი სოსო ვახტანგაშვილიც დაესწრო.
| 
