რამაზ ქოქოშვილის სასამართლო პროცესი დღეს 16:30 საათზე გაიმართება. ბრალდებულის მხარე მის გათავისუფლებას მოითხოვს. ქოქოშვილი უკვე 49 დღეა შიმშილობს და თავს უკანონო პატიმრად თვლის. მის მხარდასაჭერად ამ წუთებში გორის ღვთისმშობლის შობის სახელობის საკათედრო ტაძართან მოქალაქეები იკრიბებიან. ისინი სასამართლოსთან მისვლას აანონსებენ. მათი განცხადებით, ქოქოშვილი უკანონო პატიმარია და მისი გათავისუფლება დაუყოვნებლივ უნდა მოხდეს. რამაზ ქოქოშვილი სამართალდმცველებისთვის წინააღმდეგობის გაწევის ბრალდებით 2 ივნისს დააკავეს.