21 ივლისს გორის რაიონულ სასამართლოში პატიმარმა რამაზ ქოქოშვილმა პროცესზე გონება მას შემდეგ დაკარგა, რაც მოსამართლემ დაცვის მხარის შუამდგომლობა არ დააკმაყოფილა. ადვოკატი ქოქოშვილის გირაოს სანაცვლოდ გათავისუფლებას მოითხოვდა. პროცესზე პატიმარი შეუძლოდ გახდა რამაც მისი ახლობლების გაღიზიანება გამოიწვია დარბაზში მყოფებმა მანდატურების მიერ მოწყობილი კორიდორის გარღვევა სცადეს. მოგვიანებით ხმაური სასამართლო დარბაზის გარეთ გაგრძელდა სადაც რამდენიმე ადამიანი შეუძლოდ გახდა.