უცნობი დამწერლობის ერთსტრიქონიანი წარწერა, რომელიც გრაკლიანის არქეოლოგიურ ძეგლის კვლევის პროცესში აღმოაჩინეს, მაიამის ბეტა ლაბორატორიამ ძვ.წელთ აღრიცხვით XI-X საუკუნეებს მიაკუთვნა, რამაც არქეოლოგთა თქმით შესაძლოა მსოფლიო დამწერლობის ისტორია შეცვალოს. როგორც არქეოლოგიური ექსპედიციის ხელმძღვანელი, პროფესორ ვახტანგ ლიჩელი ამბობს, საქართველოში დამწერლობის გამოყენების 3000 წლის დამადასტურებელი წარწერა, კიდევ რამდენიმე ეტაპზე უნდა გადამოწმდეს, თუმცა პირველ ეტაპზე უკვე ნათელია, რომ წარწერა უძველესია. გრაკლიანის გორაზე პირველი მონაპოვარი 2007 წელს თბილისი-სენაკი-ლესელიძის გზის მშენებლობის დროს გამოვლინდა.