ვერხვების დასახლებაში კვლავ პრობლემებია. გელოვანის ქუჩის მცხოვრებლები დაზიანებული საკანალიზაციო მილის შეკეთებას დაუყოვნებლივ ითხოვენ . მათი ინფორმაციით,  გზის სარეაბილიტაციო სამუშაობის დროს კანალიზაციის მილი დაზიანდა, რის გამოც ფეკალური მასები პირდაპირ ქუჩაში მოედინება. ადგილობრივები მერიის შესაბამის სამსახურებს დახმარებას სთხოვენ. მათ დღეს მაჟორიტარი დეპუტატი თამარ თედლიაშვილი შეხვდა. პრობლემასთან დაკავშირებით გორის მერიაში სატელევიზიო კომენტარს არ აკეთებენ და ამბობენ, რომ საკითხის მოგვარება სამშენებლო კომპანიის პრეროგატივაა.