C ჰეპატიტის მსოფლიო დღესთან დაკავშირებით შეხვედრა გაიმართა გორში. მრგვალი მაგიდის ფორმატში გამართულ შეხვედრაზე შეკრებილებს სიტყვით ორგანიზაცია „ნაბიჯი მომავლისკენ“ წარმომადგენელმა ქეთევან ბიძინაშვილმა მიმართა და C ჰეპატიტის მკურნალობის ხელმისაწვდომობაზე ისაუბრა. შეხვედრაზე, ასევე, საუბარი შეეხო შიდა ქართლში განხორციელებულ ელიმინაციის პროგრამას, რომელზეც გორის სამხედრო ჰოსპიტალის ექიმ-ინფექციონისტმა ნინო მახარაშვილმა ისაუბრა. მისი თქმით, გასული წლიდან დღემდე პროგრამაში 139 პაციენტია ჩართული.
| 
