საქართველოს პრეზიდენტმა დღეს შეწყალების მორიგი აქტი გამოსცა, რომლის მიხედვითაც, 226 მსჯავრდებული შეიწყალა, - ამის შესახებ შეწყალების კომისის თავმჯდომარემ, ზვიად ქორიძემ დღეს გამართულ პრესკონფერენციაზე განაცხადა. მისი თქმით, შეწყალებულთა შორის 11 ქალბატონია, ხოლო 3 არასრულწოვანი. ქორიძის ინფორმაციით, შეწყალებული მსჯავრდებულებიდან 154 დღესვე დატოვებს სასჯელაღსრულების დაწესებულებებს, 72-ს კი სასჯელი შეუმცირდება. მისივე თქმით, შეწყალების კომისიამ სულ 1 564 პირის საქმე განიხილა.