ფსიქოტროპული მედიკამენტების ურეცეპტოდ გაცემის შემთხვევაში,  ფარმაცევტებს პროფესიული საქმიანობა შეეზღუდებათ.  სააფთიაქო ნარკომანიასთან დაკავშირებით კანონში შესატან ცვლილებებზე ისაუბრა ჯანდაცვის მინისტრმა - დავით სერგეენკომ. მისი განცხადებით, მოქმედ კანონს ექვსპუნქტიანი განმარტება დაემატება, რომლის მიხედვითაც ფსიქოტროპული მედიკამენტების ურეცეპტოდ გაცემის შემთხვევაში ფარმაცევტებს პროფესიული საქმიანობა შეეზღუდებათ. ჯანდაცვის სამინისტრო წინასწარ შემუშავებულ კანონპროექტს მთავრობას უახლოეს სხდომაზე წარუდგენს.