საქართველოს თავდაცვის მინისტრმა ლევან იზორიამ დღეს თავდაცვის უწყებაში აშშ-ის ელჩს საქართველოში იან კელის უმასპინძლა. შეხვედრას თავდაცვის მინისტრის პირველი მოადგილე ლელა ჩიქოვანი, აშშ-ის თავდაცვის ატაშე საქართველოში, პოლკოვნიკი გარიკ ჰარმონი და თავდაცვის თანამშრომლობის ოფისის წარმომადგენელი, კაპიტანი მეთიუ ჯანიგა დაესწრნენ. მხარეებმა საქართველოსა და აშშ-ის შორის თავდაცვის სფეროში ორმხრივი თანამშრომლობის საკითხები და სამომავლო გეგმებიც განიხილეს. საუბარი შეეხო საქართველოს ნატოში ინტეგრაციის საკითხებსაც.