ამბროლაურის აეროდრომის მშენებლობა წლის ბოლომდე დასრულდება, – ამის შესახებ პრემიერ-მინისტრმა გიორგი კვირიკაშვილმა ამბროლაურში მოსახლეობასთან გამართულ შეხვედრაზე განაცხადა. გიორგი კვირიკაშვილმა რაჭა-ლეჩხუმისა და სვანეთის მოსახლეობას მიაწოდა ინფორმაცია რეგიონში მიმდინარე ინფრასტრუქტურულ პროექტებზე. მისი განმარტებით, დაწყებულია ამბროლაურის აეროდრომის პროექტირება. პრემიერ-მინისტრი მიიჩნევს, რომ აეროდრომის ამოქმედება რეგიონში ტურიზმის განვითარებისთვის მძლავრი ბიძგი იქნება.