თავისუფალი დემოკრატების მაჟორიტარი დეპუტატობის კანდიდატი გორში თამაზ შიოშვილის ნაცვლად ირაკლი ალასანია იქნება. განცხადება ამის შესახებ ალასანიამ რამდენიმე წუთის წინ გორში, საგანგებო ბრიფინგზე გააკეთა.ალასანიას თქმით თამაზ შიოშვილმა პოლიტიკიდან წასვლა გადაწყვიტა, რაც თავისუფალი დემოკრატების ლიდერის თქმით მისთვისაც და პარტიისთვისაც მტკივნეული ფაქტი იყო. ალასანია მაჟორიტარობის პარალელურად საარჩევნო სიის პირველი ნომერი იქნება.