საპარლამენტო უმცირესობის ლიდერი დავით ბაქრაძე და ევროპის სახალხო პარტიის ვიცე-პრეზიდენტი დევიდ მაკალისტერი ერგნეთში, საოკუპაციო ხაზთან იმყოფებოდნენ. ვიცე-პრეზიდენტმა ადგილზე მოინახულა სამხედროები და არსებულ ვითარებას გაეცნო. დავით ბაქრაძე და დევიდ მაკალისტერი ადგილზე დევნილ მოქალაქეებსაც შეხვდნენ, რომლებმაც სტუმრებს ე.წ. საზღვრის მიმდებარედ არსებულ მდგომარეობაზე მიაწოდეს ინფორმაცია.