ხმაური იყო დღეს სოფელ უფლისციხეში. ადგილობრივების პროტესტის მიზეზი საცხოვრებელ კორპუსში შექმნილი ანტისანიტარია გახდა. ერთ-ერთი კორპუსის მცხოვრებლები საკანალიზაციო სისტემის მოწყობას ითხოვენ. მათი თქმით, იმის გამო, რომ საკანალიზაციო მილები ამორტიზებულია, სახლებში ფეკალური მასები შესდით. დასახლებაში მომრავლდნენ ქვეწარმავლებიც. უფლისციხელების პრობლემას იცნობენ ადგილობრივ ხელისუფლებაში. გამგებლის წარმომადგენელი ამბობს, რომ გორის მუნიციპალიტეტის გამგეობა აღნიშნული პრობლემის მოსაგვარებლად მოსახლეობას თანადაფინანსების პროგრამით სარგებლობას სთავაზობს. უწყება საკანალიზაციო ქსელის მოწყობას 80 პროცენტით დააფინანსებს.