სოფელ ქიწნისში მომხდარ ინციდენტზე შინაგან საქმეთა სამინისტრომ მოკვლევა დაიწყო. გორის მაჟორიტარობის კანდიდატი მედეა აბაშიძე და მისი ვაჟი წუხელ გვიან ღამით პოლიციის სამმართველოში დაკითხვაზე იმყოფებოდნენ. შეგახსენებთ, გუშინ სოფელ ქიწნისში ინციდენტი მოხდა, რომელშიც მედეა აბაშიძის ვაჟი მონაწილეობდა. არსებული ინფორმაციით, მას უცნობი პიროვნება თავს მოულოდნელად დაესხა. მისი ვაჟის ცემის ორგანიზებაში აბაშიძე მის კონკურენტს - „ქართული ოცნების“ გორის მუნიციპალიტეტის მაჟორიტარობის კანდიდატს, თეიმურაზ ხუბულურს ადანაშაულებს.
| 
