„ლეიბორისტული პარტიის“ მაჟორიტარი დეპუტატობის კანდიდატები ქართული პოლიტიკური სპექტრის განახლების მოთხოვნით პარტიებს მიმართავენ და მათ ძველი სახეების ახლით ჩანაცვლებისკენ მოუწოდებენ. საკუთარი მოთხოვნა კანდიდატებმა დღეს გამართულ პრესკონფერენციაზე გააჟღერეს. "მოვუწოდებთ ყველა პოლიტიკურ პარტიას, განსაკუთრებით ქართულ ოცნებას, გზა დაუთმონ ახალგაზრდებს, ახალ სახეებს, აიღონ მაგალითი, თუნდაც ლეიბორისტული პარტიიდან,"- განაცხადა მიხეილ ქუმსიშვილმა.