საოკუპაციო ხაზთან მდებარე სოფელ დიცის საჯარო სკოლას დღეს შერიგებისა და სამოქალაქო თანასწორობის საკითხებში სახელმწიფო მინისტრი ესტუმრა. ქეთევან ციხელაშვილი პირველი კლსის მოსწავლეებს შეხვდა, პატარებს სკოლის დაწყება მიულოცა და მათ სიმბოლური საჩუქრები გადასცა. მინისტრმა დიცის სკოლიდან სასწავლო წლის  დაწყება ყველა იმ ადამიანს მიულოცა, რომლებიც მავთულხლართების სიახლოვეს ცხოვრობენ, განსაკუთრებით კი ოკუპირებულ გალის რაიონში მცხოვრებლებს. ქეთევან ციხელაშვილთან ერთად, დიცში, ადგილობრივი ხელისუფლების და რესურს-ცენტრის წარმომადგენლები იმყოფებოდნენ.