საკონსტიტუციო სასამართლოს ახალი თავმჯდომარე, შესაძლოა, დღეს დასახელდეს. პლენუმის ახალი შემადგენლობა პირველ შეხვედრას მართავს. საკონსტიტუციო სასამართლოში, ამ დროისთვის, 8 მოსამართლეა. კანონის თანახმად, თავმჯდომარის ასარჩევად 5 წევრის თანხმობაა საჭირო. გავრცელებული ინფორმაციით, გიორგი პაპუაშვილის შემცვლელად, მისი მოადგილე ზაზა თავაძე სახელდება. კანდიდატურა სამი მოსამართლის მიერ სახელდება და მის დასამტკიცებლად 9-კაციანი პლენუმის უბრალო უმრავლესობის,  ანუ 5 მოსამართლის მხარდაჭერაა საკმარისი. რაც შეეხება დაჩქარებული წესით პლენუმის სხდომის ჩანიშვნასთან დაკავშირებით გამოთქმულ კრიტიკას, თავაძე აცხადებს, რომ მან სხდომა პროცედურებისა და კანონის სრული დაცვით ჩანიშნა.