გიორგი კვირიკაშვილმა მთავრობის სხდომაზე  წესრიგისა და თავისუფალი არჩევნებისთვის სათანადო გარემოს უზრუნველყოფაში შინაგან საქმეთა სამინისტროს როლზე ისაუბრა და შინაგან საქმეთა მინისტრს მიმართა.  მთავრობის მეთაურის შეფასებით, საქართველოს ხელისუფლებამ, კონკურენტუნარიანი საარჩევნო გარემოს უზრუნველყოფისთვის, ყველაფერი გააკეთა, რაც არაერთხელ აღინიშნა საერთაშორისო თანამეგობრობის მიერ. გიორგი კვირიკაშვილი „ნაციონალური მოძრაობის“ წევრის, გივი თარგამაძის ავტომანქანის აფეთქების ფაქტს კიდევ ერთხელ გამოეხმაურა და მომხდარი სახელმწიფოს წინააღმდეგ მიმართულ ნაბიჯად შეაფასა.