საგარეო საქმეთა სამინისტროში მიხეილ ჯანელიძის და ეუთო-ს დემოკრატიული ინსტიტუტებისა და ადამიანის უფლებათა ოფისის, ეუთო-სა და ნატოს საპარლამენტო ასამბლეების, ასევე, ევროპარლამენტის 8 ოქტომბრის საპარლამენტო არჩევნების სადამკვირვებლო დელეგაციების ხელმძღვანელებთან შეხვედრა გაიმართა. შეხვედრაზე მხარეებმა წინასაარჩევნო გარემოსა და არჩევნების პროცესებზე ისაუბრეს. საერთაშორისო ორგანიზაციების წარმომადგენლებმა საგარეო საქმეთა მინისტრს საკუთარი პირველადი შეფასებები გააცნეს და აღნიშნეს, რომ არჩევნები მშვიდ და კონკურენტულ გარემოში ჩატარდა. საერთაშორისო ორგანიზაციების წარმომადგენლები საქართველოში საგარეო უწყების მოწვევით იმყოფებიან.
| 
