ამერიკის შეერთებული შტატების ელჩი საქართველოში იან კელი საპარლამენტო არჩევნების ჩატარებას დადებითად აფასებს და მომხდარ ინციდენტებზე რეაგირებას ხელისუფლებას სთხოვს. იან კელის თქმით, უბნების უმეტესობაზე მოქალაქეებს საკუთარი არჩევანის თავისუფლად დაფიქსირება შეეძლოთ, თუმცა იყო ხარვეზებიც. იგი მარნეულში მომხდარ ინციდენტს გამოეხმაურა და ხელისუფლებას ძალადობის ფაქტების გამოძიებისკენ მოუწოდა. ამერიკის ელჩმა 8 ოქტომბრის არჩევნებზე კომენტარი პროექტის "გასაგებ ენაზე ინფორმაციის ხელმისაწვდომობის გაუმჯობესება ეთნიკური უმცირესობებისთვის“ შეფასებისას გააკეთა. პროექტს "საქართველოს რეგიონულ მაუწყებელთა ასოციაცია“ და საზოგადოებრივი მაუწყებელი აშშ-ს საელჩოს ფინანსური მხარდაჭერით ახორციელებს.
| 
