ვიქტორ დოლიძემ, ზურაბ აბაშიძემ, დავით ონოფრიშვილმა და გია ცაგარეიშვილმა “თავისუფალი დემოკრატები” დატოვეს. ამის შესახებ მათ განცხადება საგანგებო ბრიფინგზე გააკეთეს, საკუთარი გადაწყვეტილების მიზეზად კი 8 ოქტომბრის არჩევნების შედეგები დაასახელეს. პარტიის აღმასრულებელმა, მდივანმა, რომელიც ირაკლი ალასანიას წასვლის შემდეგ თავმჯდომარის მოვალეობასაც ასრულებს, განაცხადა, რომ „თავისუფალი დემოკრატები“ მუშაობას აგრძელებენ, მათი კანდიდატი კი  მონაწილეობას არჩევნების მეორე ტურში მიიღებს. ბრიფინგს არ ესწრებოდნენ, ნინო გოგუაძე, შალვა შავგულიძე და ირაკლი ჩიქოვანი. ჯერ უცნობია ისინი რჩებიან თუ არა პარტიაში, თანაგუნდელების განცხადებით, მათ დასწრება პირადი მიზეზების გამო შვეძლეს. ასევე უცნობია სად გააგრძელებენ საქმიანობას „თავისუფალი დემოკრატების“ ყოფილი წევრები. ვიქტორ დოლიძე უარყოფს, მისთვის ევროინტეგრაციის მინისტრის თანამდებობის შეთავაზებას, ხოლო დავით ონოფრიშვილი „ქართულ ოცნებასთან“ კონსულტაციებს. შეგახსენებთ, პარტიის ლიდერმა ირაკლი ალასანიამ 10 ოქტომბერს  პოლიტიკიდან წასვლის შესახებ განაცხადა.  პარტია დატოვა ასევე ალექსი პეტრიაშვილმაც.