საქართველო პირველად სამოქალაქო ავიაციის საერთაშორისო ორგანიზაციის კონფერენციას მასპინძლობს. ღონისძიების მთავარი თემა საჰაერო მარშრუტების ოპტიმალური დაგეგმვაა. როგორც "საქაერონავიგაციაში“ განმარტეს, სამუშაო პროცესის დასრულების შემდეგ, ავიაკომპანიებს შესაძლებლობა ექნებათ, ფრენის მარშრუტის დადგენისას უმოკლესი მანძილი არიჩიონ და შეძლონ შემოსვლის და გასვლის წერტილებს შორის რეისის ისე დაგეგმვა, რომ მართვის ცენტრებთან წინასწარი შეთანხმებაც აღარ დასჭირდეთ. უწყებაში აღნიშნავენ, რომ საჰაერო მანძილის შემცირება პირდაპირ აისახება ბილეთების ღირებულებაზე.
| 
