ტელეკომპანია „დია“-ს დირექტორი ზეწოლაზე საუბრობს. მაია ტატულაშვილმა სპეციალური განცხადება ცოტა ხნის წინ, პირდაპირ ეთერში გააკეთა. ტატულაშვილის განცხადებას უცვლელად გთავაზობთ.
„პოლიტიკური პარტია „შენების მოძრაობის“ ადგილობრივი ორგანიზაციის ლიდერმა, ამავდროულად ტელე-რადიო კომპანია „თრიალეთის“ მფლობემა და ერთპიროვნულმა მმართველმა, ბადრი ნანეტაშვილმა გადაწყვიტა ბინძური ომი გამოუცხადოს ტელეკომპანია „დია“-ს, შიდა ქართლში ერთადერთ დამოუკიდებელ ტელეკომპანიას. ნანეტაშვილის დაკვეთით, „თრიალეთი“ სისტემატიურად ამზადებს ცალმხრივ, არაობიექტურ და რეპუტაციის შემლახველ რეპორტაჟებს ტელეკომპანია „დია“-ს მენეჯმენტზე და მფლობელ გურამ გოგოლაძეზე. სააკაშვილის ხელისუფლების რამდენიმე გზის ჩინოვნიკის, ტელევიზიის სარედაქციო პოლიტიკაში ჩარევის გამო, პარლამენტიდან გარიცხული ბადრი ნანეტაშვილის ტელევიზია ამბობს, რომ „დია“-ს მფლოლებელი გურამ გოგოლაძე წინა ხელისუფლების დროს იყო ბორჯომის მაჟორიტარი დეპუტატი, რაც ცალსახად არის ტყუილი. სრული პასუხისმგებლობით მინდა აღვნიშნო, რომ გურამ გოგოლაძე პოლიტიკურ საქმიანობაში არასდროს არ ყოფილა ჩართული და ის ათობით წელია დაკავებულია მხოლოდ ბიზნეს საქმიანობით, რის შედეგადაც სახელმწიფო ბიუჯეტში მილიონობით ლარი აქვს გადახდილი. „თრიალეთი“ ურცხვად იტყუება როდესაც ამბობს, რომ „დია“ -ს ხელისუფლება აფინანსებს და ამიტომ, კომპანია მთავრობის პიარით არის დაკავებული. „დია“-ს საინფორმაციო სამსახური არის დამოუკიდებელი, ობიექტური, ხალხის პრობლემბის და მიმდინარე მოვლენების გაშუქებაზე ორიენტირებული და მისი დადანაშაულება ხელისუფლების ინტერსების გატარებაში არის პირადად ჩემთვის და არხის ყველა თანამშრომლისთის შეურაცხმყოფელი. „შენების მოძრაობის“ ლიდერმა, საკრებულოს წევრმა ბადრი ნანეტაშვილმა, „დია“-ს მიმართ ანტიკამპანია განსაკუთრებით დაიწყო მას შემდეგ, რაც წარუმატებლად დასრულდა „თრიალეთის“ მიერ მუნიციპალიტეტებტან დაწყებული მოლაპარაკებები სარეკლამო ხელშეკრულებების გაფორმებაზე, რეგიონის ხელისუფლებისაგან ის ითხოვდა 100 000 ლარს, რაც 5 ჯერ ნაკლებია მუნიციპალიტეტებს დაქვემდებარებულ ორგანიზაციების მიერ, შ.პ.ს ბიზნეს მედია მენეჯმენტთან გაფორმებულ თანხაზე. აღსანიშნავია, რომ „თრიალეთი“ წინა ხელისუფლების დროს სისტემატიურად აფორმებდა სარეკლამო მომსახურეობაზე ხელშეკრულებებს მუნიციპალიტეტებთან და ბიუჯეტიდან სოლიდურ თანხებს იღებდა. ამის პარალელურად, არხის მმართველი და მფლობელი იკავებდა გუბერნატორის მოადგილის თანამდებობას. თუ დავეყრდნობით შიდა ქართლის საინფორმაციო ცენტრის მიერ მომზადებულ სტატიას, ნანეტაშვილმა წინა ხელისუფლების კრიტიკა მას შემდეგ დაიწყო, რაც დაფინანსება აღარ გაუგრძელდა.
გვსურს საზოგადოებამ იცოდეს, რომ სარეკლამო კომპანია შ.პ.ს. „ბიზნეს მედია მენეჯმენტის“ მიერ, რომელიც თანამშრომლობს „დია“-სთან, რეგიონის მუნიციპალიტეტების რამდენიმე აიპ-თან გაფორმებული ხელშეკრულებების მომსახურების ვადა არ აღემატება 6 თვეს. ხელშეკრულების ფარგლებში, ხაზს ვუსვამ, მხოლოდ საზოგადოებრივ-შემეცნებითი სატელევიზო თუ ონლაინ კონტენტი მომზდება. მოზადებულ თითოეულ მასალაზე ხაზგაზმით იქნება აღნიშნული, რომ ეს რეკლამაა. „თრიალეთის“ მიერ მომზადებულ თითოეულ მასალაზე, სადაც ტელეკომპანია „დია“-ს, საინფორმაციო სამსახურის, მისი მენეჯმენტის და მფლობელის იმიჯი ილახება, ყოველთვის მოყვება რეაგირება და იქნება გასაჩივრებული ჟურნალისტური ეთიკის ქარტიაში, თვითრეგულირების საჭოში, მარეგულირებელ კომისიაში და სასამართლოში.“-აცხადებს ტატულაშვილი.
|