"დღეს, პარლამენტის შენობასთან ვიკრიბებით"
პარლამენტის შენობასთან პოლიტიკური პარტიების წარმომადგენლები აქციის მონაწილეებს სიტყვით მიმართავენ და ქვეყნის მოსახლეობას დღეს, 19:00 საათზე, პარლამენტის შენობასთან საპროტესტო აქციაზე მისვლისკენ მოუწოდებენ.

"ნაციონალური მოძრაობის" წევრის ზაალ უდუმაშვილის თქმით, ქვეყანა არ შეეგუება მომხდარს და ის, რაც უკრაინაში და მოლდოვაში მოხდა, საქართველოშიც განმეორდება. ჩვენ ხშირად ვამბობთ, რომ გვყავს სამარცხვინო და უთავმოყვარეო ხელისუფლება. არა ბატონებო, არც სამარცხვინოა ეს ხელისუფლება და არც უთავმოყვარეო, ეს არის დამნაშავე ხელისუფლება, რომელიც დანაშაულს სჩადის ქართველი ხალხისა და საქართველოს მოსახლეობის წინაშე. დღეს ხელისუფლება შევიდა გავრილოვის კრიზისში. დიახ, ხელისუფლებას სჭირს გავრილოვის კრიზისი. დღეიდან დაიწყება საქართველოს დეოლიგარქიზაცია. დიახ, სწორედ ასე მოხდება. ის რაც მოხდა მოლდოვაში, რაც მოხდა უკრაინაში დღეიდან დაიწყება საქართველოში. საქართველოს მოსახლეობა არ შეეგუება არასდროს, რომ რუსი ოკუპანტები გვმოძღვრავდნენ პარლამენტის შენობიდან და გვეუბნებოდნენ , რომ თურმე საქართველოს დაკარგულ ტერიტორიებს უნდა შევეგუოთ, რომ ის ტერიტორიები თურმე დამოუკიდებელი ყოფილა და აღიარებული აქვს რუსეთს. ყველაზე მოგიწოდებთ, დღეს, 19:00 საათზე მობრძანდეთ პარლამენტის შენობასთან და ერთად გავაბუნძულით სამარცხვინი ხელისუფლება",-განაცხადა ზაალ უდუმაშვილმა. 
ოქტომბერი 2019
ორშ.სამშ.ოთხშ.ხუთშ.პარას. შაბათიკვირა
30123456
78910111213
14151617181920
21222324252627
28293031123