"ხელფასი მქონდა ასაღები, ამ მიზნით ვაპირებდი შესვლას პარლამენტში"- ოქრუაშვილი

ირაკლი ოქრუაშვილი გამომძიებლის კითხვებმა ხუმრობის ხასიათზე დააყენა. ოქრუაშვილის თქმით, გამოკითხვაზე მისთვის სერიოზული კითხვები არ დაუსვამთ.  

 „ჩემი გამოკითხვის საჭიროება აშკარად ვერ დავინახე. ზუსტად იმ დროის მონაკვეთიდან გამომდინარე, რამდენი ხანიც შიგნით გამოკითხვაზე ყოფნა მომიწია. საკმაოდ სახუმარო ხასიათზე ვიყავით და შესაბამისად, კითხვაზე - ვაპირებდი თუ არა პარლამენტში შესვლას და რა მიზნით, ვუპასუხე, რომ ვაპირებდი, რადგან 2003 წლის არჩევნების შედეგად გავხდი დეპუტატი და 3 თვის განმავლობაში, ვიდრე პროკურორობის გამო პარლამენტი უფლებამოსილებას შემიწყვეტდა, ხელფასი მქონდა ასაღები. ამ მიზნით ვაპირებდი შესვლას. მკითხეს - რატომ ვაპირებდი წინიდან პარლამენტში შესვლას და ვუთხარი, რომ ბუღალტერია წინიდან მეგონა. მერე მითხრეს პოლიციელებმა რომ არა, გვერდიდან არისო და ამიტომ გვერდიდან წავედი. ბოლოს პასუხი მივიღე, რომ ხელფასს არ მოგცემთო.

ერთადერთი აზრიანი კითხვა მდგომარეობდა შემდეგში - რას მოვიმოქმედებდი, თუ ხალხი პარლამენტში შევიდოდა? ძალიან მარტივი პასუხია - ხალხს პარლამენტში შევყვებოდი იმის გამო, რომ უფრო მეტი გართულება არ ყოფილიყო. შემდეგი, მეტ-ნაკლებად იურიდიული და აზრიანი კითხვა იყო ის, რომ ვიცი თუ არა, რომ პარლამენტში შესვლას სპეციალური ნებართვა სჭირდება? რა თქმა უნდა, ვიცი, რომ სჭირდება სპეციალური ნებართვა. მეტი აზრიანი კითხვა არ დასმულა“, - განაცხადა ოქრუაშვილმა

მისი თქმით, ჯერ არ იცის კიდევ მოუწევს თუ არა გამოკითხვაზე მისვლა.

შეგახსენებთ, 20-21 ივნისის მოვლენებთან დაკავშირებით მაგისტრატ მოსამარტლესთან დღეს ირაკლი ოქრუაშვილი იყო დაბარებული. 

ამ საქმესთან დაკავშირბით უკვე გამოიკითხნენ, „ევროპული საქართველოს“ წევრი გიგი უგულავა, „ნაციონალური მოძრაობის“ წევრები გრიგოლ ვაშაძე, გია ბარამიძე და ხატია დეკანოიძე, „ძალა ერთობაშიას“ წარმომადგენელი ბაჩუკი ქარდავა და პარტია „კანონი და სამართალის“ გენერალური მდივანი ირაკლი ღლონტი. 



ოქტომბერი 2019
ორშ.სამშ.ოთხშ.ხუთშ.პარას. შაბათიკვირა
30123456
78910111213
14151617181920
21222324252627
28293031123