ოქრუაშვილი განმეორებითი ექსპერტიზის ჩატარებას საზღვარგარეთ ითხოვს

ვინაიდან საქმეში არსებობს წინააღმდეგობრივი დასკვნა, ბუნებრივია, ჩვენ გამოვიყენებთ იმ სამართლებრივ მექანიზმს, რომ მოვითხოვოთ განმეორებითი ექსპერტიზის ჩატარება, ოღონდ არა საქართველოში, არამედ საქართველოს ფარგლებს გარეთ, - ამის შესახებ ირაკლი ოქრუაშვილის ადვოკატმა გიორგი ზედელაშვილმა ბრიფინგზე განაცხადა.

ზედელაშვილის თქმით, საქართველოს ფარგლებს გარეთ ჩატარებული ექსპერტიზა იქნება იმის დასტური, რომ დოკუმენტზე ნამდვილად არის ქიბარ ხალვაშის ხელმოწერა.

„საქმეს მიემატა კიდევ ერთი დასკვნა. აქამდე არსებობდა სამი, რომლებიც ფრიად მნიშვნელოვნად ადასტურებდა, რომ სადავო დოკუმენტზე იყო ქიბარ ხალვაშის ხელმწოერა. ახლა მივიღეთ მეოთხე დასკვნა,სადაც საუბარია იმაზე, რომ თითქოს ამ დოკუმენტზე არ არის ქიბარ ხალვაშის ხელმოწერა, ეს არის დადასტურება თეთრზე - შავის. ვინაიდან საქმეში არსებობს წინააღმდეგობრივი დასკვნა, ბუნებრივია, ჩვენ გამოვიყენებთ იმ სამართლებრივ მექანიზმს, რომ მოვითხოვოთ განმეორებითი ექსპერტიზის ჩატარება, ოღონდ არა საქართველოში, არამედ საქართველოს ფარგლებს გარეთ, ვინაიდან მოხდეს ობიექტური დასკვნის დადება. ეს არის ჩვენი შემდგომი ნაბიჯები, რაც იქნება გადადგმული. შევარჩევთ ერთ-ერთ დამოუკიდებელ საექსპერტო დამოუკიდებელ დაწესებულებას, სადაც იქნება ნდობის მაღალი ხარისხი", - განაცხადა ზედელაშვილმა.

შეგახსენებთ, ირაკლი ოქრუაშვილის თანაგუნდელებმა დღეს ბრიფინგი გამართეს და განაცხადეს, რომ „გახარიას ექსპერტიზის ბიუროს დასკვნით, ოქრუაშვილსა და ხალვაშს შორის გაფორმებულ ხელშეკრულებაზე არსებული ხელმოწერა ხალვაშს არ ეკუთვნის", რასაც პარტიის წარმომადგენლები გაყალბებულს უწოდებენ.

"გიორგი ხოჯევანიშვილი უკონკურენტოა და ის არჩევნების პირველივე ტურში გაიმარჯვებს“ - გორის მერი 24.07.2020
როგორ აპირებს ამომრჩევლის ნდობის მოპოვებას გორი-კასპის მაჟორიტარობის კანდიდატი - გიორგი ხოჯევანიშვილი "დია“-ს კითხვებს უპასუხებს 23.07.2020
გორისა და კასპის მაჟორიტარობის კანდიდატმა გიორგი ხოჯევანიშვილმა პირველი კომენტარი გააკეთა 21.07.2020
აგვისტო 2020
ორშ.სამშ.ოთხშ.ხუთშ.პარას. შაბათიკვირა
272829303112
3456789
10111213141516
17181920212223
24252627282930
31123456