საპარლამენტო უმრავლესობის წევრი, გედევან ფოფხაძე საქართველოს თავდაცვის მინისტრის, თინა ხიდაშელის მიერ ხელმოწერილ ბრძანებას აფასებს, რომლის თანახმადაც, თავდაცვის სამინისტრო სამხედრო-სავალდებულო სამსახურში გაწვევას აღარ განახორციელებს. ფოფხაძე მიიჩნევს, რომ  ერთი უწყების მხრიდან ასე ცალსახად კატეგორიული პოზიციის დაფიქსირება, თანაც წინასაარჩევნო რეჟიმში, უფრო სხვა მოტივებზე და სხვა ორიენტირებზე მეტყველებს, ვიდრე ჯარისთვის საჭირო ღონისძიებებზე."მეც მიმაჩნია, რომ წვევამდელები ყველა სახელმწიფოსთვის არ არის ისეთი სწორი, როგორიც იქნებოდა პროფესიული ჯარი. პროფესიულ ჯარზე გადასვლა იქნებოდა უფრო სწორი, მაგრამ ალბათ ამ ცვლილებებისთვის რაღაც პერიოდია საჭირო. ერთი უწყების მხრიდან ასე ცალსახად კატეგორიული პოზიციის დაფიქსირება, თანაც წინასაარჩევნო რეჟიმში, უფრო სხვა მოტივებზე და სხვა ორიენტირებზე მეტყველებს, ვიდრე ჯარისთვის საჭირო ღონისძიებებზე. კი, გადაწყვეტილებები ამ მიმართულებით ალბათ რაღაც ეტაპზე მისაღებია, მაგრამ როგორც და რა ეტაპზეც გაკეთდა, მე მგონი არასწორია", - განაცხადა გედევან ფოფხაძემ.