ერგნეთში ინციდენტების პრევენციისა და მათზე რეაგირების მექანიზმის ფარგლებში რიგით 67-ე შეხვედრა იმართება. მხარეები წინა მოლაპარაკებების შემდგომ პერიოდში მომხდარ ინციდენტებზე, ასევე, გახშირებული უკანონო დაკავებებისა და ადამიანის უფლებების დარღვევის ფაქტებზე ისაუბრებენ. დღის წესრიგშია  ბანერების დაყენებისა და გამყოფ ხაზზე მავთულხლართების გავლების შედეგად მოსახლეობისთვის შექმნილი პრობლემების განხილვა.  ქართულ მხარეს შერიგებისა და სამოქალაქო თანასწორობის საკითხებში სახელმწიფო მინისტრის აპარატი და სახელმწიფო უსაფრთხოების სამსახური წარმოადგენენ.